Top 10 habits of highly creative people.

Kya aap bhi janna chahte hai ki aap bhi creative hai ya nhi? Kya aap ek normal people hai ya genius? Kya aap 98% logo mai se hai ya bache hue 2% logo mai se? In sab sawal ke jawab apko aaj ke is article mai mil jayenge to last tak zarur padhiye Creativity kya hoti hai? Creativity ko definition mai bandh ke nahi rakh sakte balki aap logo ke experience se samajh sakte hai. Creativity mai 2 process hote hai… Pehla to imagination or dusra action. Phle to aap kya or kesa sochte ho or fr us soch ko sach banane ke liye kese kam karte ho!! Chaliye jante hai creative logo ki 10 behtareen habits:

1. Day Dreamers- Creative loog day dreamers hote hai. Ye scientifically prove ho chuka hai ki day dreaming mai mind zyada tez or creative work karta hai. Islie day dreaming mai zyada creative ideas ane ke chances hote hai. Islie agar aap bhi day dreamer hai to aapke creative hone ke chances zyada hain.

2. Observation- Creative logo ki observation bhot achi hoti hai. Aise loog har chez, har incident, har situation or har insan ko observe karte hai. Observation se vo har ordinary chez mai se extra ordinary idea nikal lete hai. Agar aap bhi aas paas ki chezo ko observe karte hai to congratulations apne ek step or bda diya hai creativeness ki taraf. Or agar aap observe nahi karte to observation karna shuru kar dijiye.

3. New experiences– Creative logo ko ek limit mai bandh ke rehna pasand nhi hota. Vo naye naye experiences lena pasand karte hai. Creativity ke liye vo khud ko or nayi chezo ko explore karte hai. Agar aap bhi creative banna chahte hai to naye logo se miliye, nayi jagah jaiye, nayi activities mai involve hoiye, naye festivals dekhiye jisse aap explore kar sakenge or creativity ki taraf ek or step le payenge.

4. Curiosity- Creative loog curious hote hai. Vo baato mai as it is or jaldi believe nahi karte balki puri investigation karte hai or har point of view se analyse karne ke baad kisi conclusion pe pohachte hain. Agar aapke andar bhi ye quality hai to aap bhi creative logo mai se ek hain.

5. Risk Takers- Kuch naya karne ke liye risk lena hi padta hai islie creative loog risk takers hote hain. Unko risk lena pasand hota hai. Kuch behtareen karne ke liye vo risk lene se peeche nahi hat te isiliye vo kuch naya or creative kar paate hain.

6. Passionate- Creative log apne kaam ko leke passionate hote hai. Kam krna, task complete krna, ye sb unko bojh nahi lagta q ki vo us kam mai intrest lete hain or vo unka passion hota hai. Isliye agar aap bhi creative banna chahte hai to us kaam ko kariye jisme aap passionate ho.

7. No comparison- Creative loog apna comparison kisi se nahi karte. Vo khud ko aage badane mai lage rehte hain. Unka competition khud se hota hai na ki kisi or se. Unki ladai khud se hoti hai na ki duniya se. Islie agar aap bhi creative banna chahte hai to apna comparison kisi or se band kare or khud ko behtar banane ki koshish karte rahe.

8. Think differently– Creative loogo ke sochne ka tareeka ordinary loogo se bhot alag hota hai or aise loog bhot jaldi chezo ko asani se samajh lete hai or har chez ko possible banane ki koshish karte rehte hai. Islie aap bhi har situation ko alag tarah se sochne ki koshish karte rahiye.

9. Don’t take pressure- Creative loog apni life pressure mai nahi jeete. Vo apne mind ko relax rakhte hain kyu ki vo jante hai ki relax or cool mind mai hi ache or creative ideas aate hain. Islie aap bhi apne mind ko relax rakhne ki koshish karte raha kariye.

10. Positivity- Creative loog positive mahol mai rehte hai. Positive logo ke sath rehte hai or hamesha positive rehna hi pasand karte hai. Unko negativity bilkul pasand nahi hoti. Islie aap bhi negativity ko khud se dur rakhe. Agar aapke andar in 10 mai se 6 habits hai to iska matlab hai ki aap creative hai or 6 se kam hai to bhi aap creative ban sakte hai. Bas zarurat hai thori mehnat ki.

Leave a Reply

Your email address will not be published.